|
|
|
|
ក្លឹបប្រដាល់លោកគ្រូកម្លាំងបាយ ពេជ្រ សុផាន់ កាន់តែល្បី និងមានកេរ្តិ៍ឈ្មោះខ្លាំងទៅៗពិសេសការចេញប្រកួតមួយ2ឈុតនេះមាន ពេជ្រ ប៊ុនសិទ្ធ ប៉ះ បឺត សង្ឃឹម ពេជ្រ សម្បត្តិ ប៉ះ រិន ដេវីត មានការជជែក និងទស្សន៍ទាយមិនដាច់សោះលើបណ្ដាញសង្គមហ្វេសបុក។
ដូចទៅនិងអ្នកតាមដានប្រដាល់គុនខ្មែរបានឃើញហើយលើបណ្ដាញសង្គមហ្វេសបុកមានការផុលផុសជាខ្លាំងមិនដាច់សោះប៉ុន្មានថ្ងៃមកនេះពិសេសការជជែកវែកញែកអំពីសិស្សគុនរបស់ក្លឹបប្រដាល់ពេជ្រសុផាន់គុនខ្មែរក្នុងជំនួបរវាង ពេជ្រ ប៊ុនសិទ្ធ ប៉ះ បឺត សង្ឃឹម និង ពេជ្រ សម្បត្តិ ប៉ះ រិន ដេវីត ជាដើម។ ក្នុងនោះមានអេដមីនប្រដាល់នៅកម្ពុជាជាច្រើនបានធ្វើបទសម្ភាសដល់គ្រូៗប្រដាល់ល្បីឈ្មោះដូចជា លោក អេ ភូថង ឡោ សំណាង ភុំ សាយ និងកីឡាករជាច្រើនទៀតលើកឡើងពីសមត្ថភាពគូដែលត្រូវប្រកួតនេះ និងទស្សន៍ទាយលទ្ធផលមុនជាហូរហែ។
ការចេញប្រកួត2ឈុតនេះរបស់លោក ពេជ្រ សុផាន់ គឺពិតជាធ្វើឲ្យកក្រើកវិស័យប្រដាល់គុនខ្មែរមែន មិនថានរណានោះទេឲ្យតែជាអ្នកតាមដានប្រដាល់មិនអាចរំលង ឬមិនជជែករវាងជំនួបជើងខ្លាំងប្រចាំស្រុកខ្មែរនេះនោះឡើយ។
តាមរយៈការលើកមកជជែកវែកញែកទាំងនេះសបញ្ជាក់ថាក្លឹបប្រដាល់ពេជ្រសុផាន់គុនខ្មែរគឺរឹតតែធំល្បីឈ្មោះខ្លាំងក្នុងវិស័យប្រដាល់នេះអាចនិយាយបានថាជាក្លឹបជួរមុខបណ្ដុះបានធនធានខ្លាំងៗក្នុងចំណោមក្លឹបធំៗនៅស្រុកខ្មែរដូចជា ក្លឹបលោក អេ ភូថង សមាគមប្រដាល់កងយោធពលខេមរភូមិន្ទ ក្លឹបការពារជាតិ ក្លឹបឆត្រយោង និងបណ្ដាក្លឹបមួយចំនួនទៀត។
បញ្ជាក់ដែរថា ក្លឹបប្រដាល់ពេជ្រសុផាន់គុនខ្មែរគឺបង្កើតឡើង និងបង្ហាត់ដោយលោក ពេជ្រ សុផាន់ ផ្ទាល់។ ក្លឹបនេះបណ្ដុះធនធានកំពុងល្បីឈ្មោះជាច្រើនដូចជា ពេជ្រ សម្បត្តិ ពេជ្រ ប៊ុនសិទ្ធ ពេជ្រ សង្ហឹៈ ពេជ្រ សុឃីម ពេជ្រ អាទិទេព និងកីឡាករក្មេងៗជាច្រើនទៀត។ មិនត្រឹមតែបណ្ដុះធនធានកីឡាករនោះទេក្លឹបពេជ្រសុផាន់គុនខ្មែរក៏មានរៀបចំជាការប្រកួតថ្នាលផងដែរ។
Premier League Chelsea VS Arsenal Match ...
Lionel Messi បំបែកកំណត់ត្រាពិភពលោកសម្រាប់ការបញ្ជូនបាល់ឲ្យមិត្តរួមក្រុមស៊ុតបញ្ចូលទីច្រើនជាងគេក្នុងប្រវត្តិសាស្ត្របាល់ទាត់។...
ក្រុមកាំភ្លើងធំ Arsenal កំពុងរៀបចំបើកការចរចាបន្តកិច្ចសន្យាជាមួយ Declan Rice ខណៈដែលនាយកកីឡា Andrea Berta កំពុងបន្តដំណើរការរួចហើយ។...
យោងតាម Diario Sport ក្រុម Barcelona មិនបោះបង់ចោលការតាមប្រមាញ់ខ្សែប្រយុទ្ធ Harry Kane របស់ Bayern Munich នៅរដូវក្តៅក្រោយនោះទេ។...
សេវាអតិថិជន